రైతులు నుండి జొన్నలు కొనుగోలు చేయనున్న తెలంగాణ ప్రభుత్వం

రైతులకు మద్దతుగా తెలంగాణ ప్రభుత్వం కీలక నిర్ణయం తీసుకుంది. మొక్కజొన్న కొనుగోళ్లతో పాటు జొన్నలను కూడా కొనుగోలు చేయాలని సబ్ కమిటీ నిర్ణయించింది. ఈ నిర్ణయం రాష్ట్రంలోని రైతులకు మరింత ఉపశమనం కలిగించనుంది.

ఈ విషయాన్ని మంత్రి తుమ్మల ప్రకటిస్తూ, ఇప్పటికే రాష్ట్ర ప్రభుత్వం మొక్కజొన్నను కొనుగోలు చేస్తోందని తెలిపారు. కేంద్ర ప్రభుత్వం నుంచి ఎటువంటి సహాయం లేకపోయినా, స్వంత నిధులతో పంటలను కొనుగోలు చేస్తున్న దేశంలోనే ఏకైక రాష్ట్రం తెలంగాణ అని ఆయన పేర్కొన్నారు.