బోరబండ బోనాల్లో విజయశాంతి ఆసక్తికర వ్యాఖ్యలు

బోరబండలో జరిగిన బోనాల వేడుకల్లో ఎమ్మెల్సీ విజయశాంతి పాల్గొని తెలంగాణ రాజకీయాలపై ఘాటు వ్యాఖ్యలు చేశారు. తెలంగాణలోకి దుష్టశక్తులు ప్రవేశించాయని ఆమె ఆరోపించారు. తెలంగాణను బంగారు బాతుతో పోల్చిన విజయశాంతి.. రాష్ట్రాన్ని కోసుకుని తింటున్నారని వ్యాఖ్యానించారు. తెలంగాణను అలాంటి వారి నుంచి కాపాడుకోవాల్సిన అవసరం ఉందని అన్నారు.

తెలంగాణ రాష్ట్ర ఏర్పాటులో సోనియా గాంధీ కీలక పాత్ర పోషించారని విజయశాంతి మరోసారి పేర్కొన్నారు. హైదరాబాద్‌లో బోనాల ఉత్సవాలు కొనసాగుతున్న సమయంలో ఆమె చేసిన ఈ వ్యాఖ్యలు రాజకీయంగా ఆసక్తిని రేకెత్తించాయి. సంప్రదాయ వేడుకల మధ్య విజయశాంతి చేసిన రాజకీయ వ్యాఖ్యలు చర్చనీయాంశంగా మారాయి.