ఎన్నికల కమిషనర్ నియామక కేసుపై సుప్రీం కోర్టు విచారణ

ప్రధాన ఎన్నికల కమిషనర్, ఎన్నికల కమిషనర్ నియామకాల ఎంపిక కమిటీల్లో భారత ప్రధాన న్యాయమూర్తి స్థానంలో కేంద్ర మంత్రిని నియమించే చట్టాన్ని సవాల్ చేస్తూ దాఖలైన పిటిషన్‌పై సుప్రీం కోర్టులో విచారణ కొనసాగుతోంది. ఈ కేసును వాయిదా వేయాలని కేంద్ర ప్రభుత్వం కోరింది. అయితే కోర్టు ఆ అభ్యర్థనను తిరస్కరించింది.

విచారణ అత్యంత ముఖ్యమైనదిగా పేర్కొంటూ సుప్రీం కోర్టు, ముందుగా నిర్ణయించిన తేదీ ప్రకారమే కొనసాగుతుందని స్పష్టం చేసింది. శబరిమల కేసును ప్రస్తావిస్తూ వాయిదా అభ్యర్థనను తిరస్కరించింది. ఈ నియామక విధానం కేంద్రానికి అనుకూలంగా మారే అవకాశం ఉందన్న ఆందోళనల నేపథ్యంలో ఈ కేసు ప్రాధాన్యం సంతరించుకుంది.