భారత్‌-అమెరికా వాణిజ్య చర్చల్లో ప్రతిష్ఠంభన - నిర్మలా సీతారామన్‌

భారత్‌-అమెరికా వాణిజ్య ఒప్పందంపై జరుగుతున్న చర్చలు ఒక దశలో నిలిచిపోయినట్టుగా కనిపిస్తున్నాయని కేంద్ర ఆర్థిక మంత్రి నిర్మలా సీతారామన్‌ అన్నారు. న్యూఢిల్లీలో జరిగిన మ్యూనిక్‌ లీడర్స్‌ మీటింగ్‌లో ఆమె మాట్లాడుతూ.. చర్చలు కొనసాగుతున్నప్పటికీ, ఇరు దేశాలు ఇకపై మరిన్ని రాయితీలు ఇవ్వడం, తీసుకోవడం కష్టంగా మారిందని పేర్కొన్నారు. ఇరు వర్గాలకు రాజీకి అవకాశం ఉంటేనే చర్చలు ముందుకు సాగే అవకాశముందని తెలిపారు.

అమెరికా తన వాణిజ్య లోటును తగ్గించుకునే దిశగా చర్యలు తీసుకుంటోందని నిర్మలా సీతారామన్‌ చెప్పారు. అయితే సుంకాల కంటే చర్చల ద్వారానే వాణిజ్య సమస్యలకు పరిష్కారం కనుగొనాలని ఆమె అభిప్రాయపడ్డారు. గతంలో వాణిజ్య చర్చల్లో భాగంగా ఉన్న సుంకాలు ఇప్పుడు వాణిజ్య లోటును తగ్గించేందుకు మరింతగా ఉపయోగించబడుతున్నాయని పేర్కొన్నారు. ప్రస్తుతం పలు దేశాలు బహుపాక్షిక ఒప్పందాల కంటే ద్వైపాక్షిక వాణిజ్య ఒప్పందాలపై ఎక్కువ ఆసక్తి చూపుతున్నాయని తెలిపారు.