

85వ ఇండియన్ రోడ్స్ కాంగ్రెస్ (ఐఆర్సీ) నేటి నుంచి హైదరాబాద్లో ప్రారంభం కానుంది. హైదరాబాద్ ఇంటర్నేషనల్ కన్వెన్షన్ సెంటర్ (హెచ్ఐసీసీ)లో జరగనున్న ఈ సదస్సు ప్రారంభోత్సవానికి కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ, తెలంగాణ ముఖ్యమంత్రి రేవంత్ రెడ్డి హాజరుకానున్నారు. దేశవ్యాప్తంగా సుమారు 3,500 మంది ప్రతినిధులు ఈ సమావేశంలో పాల్గొననున్నారు. రోడ్ల నిర్మాణం, మౌలిక సదుపాయాల రంగానికి చెందిన నిపుణులు, ఇంజినీర్లు, విధాన నిర్ణేతలు ఇందులో పాల్గొని కీలక అంశాలపై చర్చించనున్నారు. ముగింపు సమావేశానికి గవర్నర్ జిష్ణు దేవ్ వర్మ శుక్ల హాజరుకానున్నారు.
రోడ్ల అభివృద్ధిలో ఆధునిక సాంకేతిక పరిజ్ఞానం, నూతన ఆవిష్కరణలు, అధునాతన నిర్మాణ పద్ధతులపై ఈ సదస్సులో ప్రధానంగా చర్చించనున్నారు. రోడ్ల నాణ్యత, భద్రత, మన్నికను పెంచేందుకు ఉపయోగపడే సాంకేతికతలపై నిపుణులు తమ అభిప్రాయాలను పంచుకోనున్నారు. మరోవైపు, వచ్చే రెండేళ్లలో రూ.93 వేల కోట్లతో రోడ్ల నిర్మాణం చేపట్టాలని లక్ష్యంగా పెట్టుకున్నారు. దేశ రహదారి వ్యవస్థను మరింత బలోపేతం చేసేందుకు అవసరమైన మార్గాలపై చర్చించడానికి ఈ సమావేశం కీలక వేదికగా నిలవనుంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!