ఆర్థిక చరిత్రలోనే అత్యధిక డివిడెండ్ చెల్లించిన ఆర్‌బీఐ

రిజర్వ్ బ్యాంక్ ఆఫ్ ఇండియా కేంద్ర ప్రభుత్వానికి 2025–26 ఆర్థిక సంవత్సరానికి గాను రికార్డు స్థాయిలో రూ.2.87 లక్షల కోట్ల డివిడెండ్ చెల్లించనున్నట్లు ప్రకటించింది. ఈ నిర్ణయం ఆర్‌బీఐ సెంట్రల్ బోర్డు 623వ సమావేశంలో తీసుకున్నారు. గవర్నర్ సంజయ్ మల్హోత్రా అధ్యక్షతన జరిగిన ఈ సమావేశంలో ఈ కీలక నిర్ణయం ఆమోదించబడింది. ప్రస్తుత ప్రపంచ ఆర్థిక అనిశ్చితి నేపథ్యంలో ఈ నిధులు ప్రభుత్వానికి ఊరట కలిగించనున్నాయి.

ఆర్‌బీఐకు సెక్యూరిటీలపై వడ్డీలు, విదేశీ మారక లావాదేవీలు, సేవా రుసుములు వంటి మార్గాల్లో ఆదాయం వస్తుంది. ఈ ఆదాయంలో ఖర్చులు తీసివేసిన తరువాత మిగిలిన మొత్తాన్ని కేంద్రానికి డివిడెండ్‌గా చెల్లిస్తారు. గత సంవత్సరాలతో పోలిస్తే ఇది అత్యధికం కాగా, 2024–25లో రూ.2.69 లక్షల కోట్లు, 2023–24లో రూ.2.10 లక్షల కోట్లు, 2022–23లో రూ.87,416 కోట్లు చెల్లించబడింది.