ఏపి హైకోర్టులో ముగ్గురు అదనపు న్యాయమూర్తులు ప్రమాణ స్వీకారం

అమరావతిలోని ఆంధ్రప్రదేశ్ హైకోర్టులో సోమవారం ముగ్గురు అదనపు న్యాయమూర్తులు ప్రమాణ స్వీకారం చేశారు. సునీత గంధం, ఆలపాటి గిరిధర్, పురుషోత్తమ్ కుమార్ చింతలపూడి (సీహెచ్ పురుషోత్తమ కుమార్)లకు హైకోర్టు ప్రధాన న్యాయమూర్తి లీసా గిల్ ప్రమాణ స్వీకారం చేయించారు. ఈ కార్యక్రమం హైకోర్టు మొదటి కోర్టు హాల్లో ఘనంగా జరిగింది.

ఈ నియామకాలకు రాష్ట్రపతి ద్రౌపదీ ముర్ము ఆమోదం తెలపడంతో కేంద్ర న్యాయశాఖ అధికారికంగా నోటిఫికేషన్ జారీ చేసింది. ఈ నియామకాలతో హైకోర్టులో మొత్తం న్యాయమూర్తుల సంఖ్య 29 నుంచి 32కు పెరిగింది. కార్యక్రమానికి బార్ కౌన్సిల్ ప్రతినిధులు, అడ్వకేట్స్ అసోసియేషన్ సభ్యులు, సీనియర్ న్యాయవాదులు, న్యాయాధికారులు మరియు ఇతరులు హాజరయ్యారు.