పవన్ కళ్యాణ్ ఆరోగ్యంపై ఆరా తీసిన కేంద్ర మంత్రి ప్రహ్లాద్ జోషి!

ప్రహ్లాద్ జోషి ఆంధ్రప్రదేశ్ ఉప ముఖ్యమంత్రి పవన్ కళ్యాణ్‌కు ఫోన్ చేసి ఆయన ఆరోగ్యం గురించి ఆరా తీశారు. ఇటీవల పవన్ కళ్యాణ్‌కు శస్త్రచికిత్స జరిగిన నేపథ్యంలో ఆరోగ్యంపై జాగ్రత్తలు తీసుకోవాలని సూచిస్తూ త్వరగా కోలుకోవాలని ఆకాంక్షించారు.

ఆరోగ్యం అన్నింటికన్నా ముఖ్యమని, ఆరోగ్యం బాగుంటేనే పనులు సక్రమంగా చేయగలమని ప్రహ్లాద్ జోషి పేర్కొన్నారు. తాను ఆంధ్రప్రదేశ్‌కు వచ్చినప్పుడు పవన్ కళ్యాణ్‌ను వ్యక్తిగతంగా కలుస్తానని తెలిపారు. పవన్ కళ్యాణ్ ఆరోగ్యం కోసం తిరుపతి బాలాజీని ప్రార్థిస్తున్నానని కూడా చెప్పారు.