అస్థిపంజరంతో బ్యాంక్ కు .. “సత్యం” చాటేందుకు సామాన్యుడి పోరు..

ఒడిశాలో హృదయ విదారక ఘటన వెలుగులోకి వచ్చింది. చనిపోయిన తన సోదరి బ్యాంక్ ఖాతాలో ఉన్న రూ.20,000 నగదును తీసుకునేందుకు ప్రయత్నించిన వ్యక్తికి, ఖాతాదారు స్వయంగా హాజరుకావాలని బ్యాంక్ అధికారులు సూచించినట్లు సమాచారం. సోదరి మరణించిందని పలుమార్లు చెప్పినా, మరణ ధ్రువీకరణ పత్రాలు చూపించినా అధికారులు పట్టించుకోలేదని తెలుస్తోంది. దీంతో ఆ వ్యక్తి తీవ్ర నిరాశకు గురయ్యాడు.

చివరికి తన సోదరి మరణాన్ని నిరూపించేందుకు అతడు షాకింగ్ నిర్ణయం తీసుకున్నాడు. సోదరి సమాధిని తవ్వి, ఆమె అస్థిపంజరాన్ని బ్యాంక్‌కు తీసుకెళ్లి నిజాన్ని చూపించే ప్రయత్నం చేశాడు. ఈ ఘటన వ్యవస్థలో అవగాహన లోపం, అధికారుల నిర్లక్ష్యం, మానవత్వం కొరవడిన తీరుపై తీవ్ర చర్చకు దారితీసింది.