ట్రోల్స్‌కు ఇషా కొప్పికర్ స్ట్రాంగ్ కౌంటర్...

భారత్‌పై తన ప్రేమ, మద్దతును వ్యక్తం చేసినందుకు తనను ‘అంధభక్త్’ అంటూ సోషల్ మీడియాలో ట్రోల్ చేసిన వారికి నటి ఇషా కొప్పికర్ గట్టిగా స్పందించారు. దేశాన్ని ప్రేమించడాన్ని ‘అంధభక్తి’గా పిలుస్తే ఆ పదాన్ని స్వీకరించడానికి తాను సంతోషంగా సిద్ధమని ఆమె పేర్కొన్నారు. తన స్పందన పూర్తిగా దేశభక్తి, భారతదేశంపై తనకున్న ప్రేమకు సంబంధించినదేనని స్పష్టం చేశారు.

అయితే తన విధేయత ఏ ఒక్క రాజకీయ పార్టీకి కాదని, భారతదేశానికేనని ఇషా కొప్పికర్ స్పష్టం చేశారు. రాజకీయ అభిప్రాయాలు, భావజాలాల ఆధారంగా వ్యక్తులకు వివిధ రకాల ముద్రలు వేస్తున్న నేపథ్యంలో ఆమె వ్యాఖ్యలు ప్రాధాన్యం సంతరించుకున్నాయి. దేశభక్తిని, రాజకీయ విధేయతను ఒకటిగా చూడాలా? అనే అంశంపై ఆమె వ్యాఖ్యలు సోషల్ మీడియాలో చర్చకు దారితీశాయి. ‘నా దేశాన్ని ప్రేమించడం నన్ను అంధభక్తిని చేస్తే.. అవును, నేను అంధభక్తినే’ అనే ఆమె సందేశం ఇప్పుడు వైరల్ అవుతోంది.