పవన్–ఫడ్నవీస్ భేటీతో కీలక నిర్ణయాలు

మహారాష్ట్ర ముఖ్యమంత్రి దేవేంద్ర ఫడ్నవీస్‌ను ఆంధ్రప్రదేశ్ ఉప ముఖ్యమంత్రి పవన్ కళ్యాణ్ మర్యాదపూర్వకంగా కలిశారు. ముంబైలో జరిగిన ఈ భేటీలో తూర్పు కనుమల్లో పులుల సంరక్షణ, జన్యు వైవిధ్యం పెంపు, అలాగే మహారాష్ట్ర నుంచి ఆంధ్రప్రదేశ్‌కు రెండు ఆడ పులులు ఇవ్వడం వంటి కీలక అంశాలపై ఇరువురు నేతలు చర్చించారు.

తూర్పు కనుమల్లో ఆడ పులుల సంఖ్య తగ్గిపోవడంతో ఏర్పడిన అంతరసంతానోత్పత్తి సమస్యలను అధిగమించేందుకు ఈ చర్య కీలకమని పవన్ కళ్యాణ్ తెలిపారు. మహారాష్ట్ర సహకారానికి ఆయన కృతజ్ఞతలు తెలిపారు. ఈ భాగస్వామ్యం వన్యప్రాణి సంరక్షణలో ఒక ముఖ్యమైన మైలురాయిగా నిలుస్తుందని, పులుల దీర్ఘకాలిక స్థిరత్వానికి దోహదపడుతుందని తెలిపారు.