పాకిస్తాన్‌లో ఆత్మాహుతి దాడి.. 21 మంది జవాన్లు మృతి

పాకిస్తాన్‌లోని ఖైబర్‌ ప్రావిన్స్‌లో ఘోర ఆత్మాహుతి దాడి కలకలం రేపింది. బన్ను జిల్లాలోని ఫతే ఖేల్‌ పోలీస్‌ పోస్ట్‌పై ఉగ్రవాదులు పేలుడు పదార్థాలతో నింపిన వాహనంతో దాడి చేయడంతో భారీ పేలుడు సంభవించింది. ఈ ఘటనలో 21 మంది భద్రతా సిబ్బంది ప్రాణాలు కోల్పోయినట్లు అధికారులు వెల్లడించారు. పేలుడు ధాటికి పోలీస్‌ పోస్ట్‌ భవనం పూర్తిగా ధ్వంసమైంది.

దాడి అనంతరం భద్రతా బలగాలు ప్రతిదాడి చేపట్టగా పలువురు ఉగ్రవాదులు హతమైనట్లు సమాచారం. అయితే ఈ దాడికి బాధ్యత వహిస్తున్నట్లు ఇప్పటివరకు ఏ ఉగ్ర సంస్థ ప్రకటించుకోలేదు. అయినప్పటికీ ఇది తెహ్రీక్‌–ఇ–తాలిబన్‌ పాకిస్తాన్‌ పని అయి ఉండొచ్చని భద్రతా వర్గాలు అనుమానం వ్యక్తం చేస్తున్నాయి. ఘటన తర్వాత ఆ ప్రాంతంలో హై అలర్ట్‌ ప్రకటించారు.