కోమటిరెడ్డి రాజగోపాల్ రెడ్డి వ్యాఖ్యల్లో తప్పేం లేదు - అనిరుధ్ రెడ్డి

జడ్చర్ల కాంగ్రెస్ ఎమ్మెల్యే అనిరుధ్ రెడ్డి, తన పార్టీ నేత కోమటిరెడ్డి రాజగోపాల్ రెడ్డి వ్యాఖ్యలను సమర్థించారు. కాంగ్రెస్ పార్టీకి మంచి పేరు రావాలనే ఉద్దేశంతోనే రాజగోపాల్ రెడ్డి మాట్లాడుతున్నారని అన్నారు. ఆయనను మండే అగ్నిపర్వతంతో పోల్చిన అనిరుధ్ రెడ్డి, ప్రజా సమస్యలపై ఆయన నిత్యం మాట్లాడుతున్నారని పేర్కొన్నారు.

గత రెండున్నరేళ్లలో మంత్రి పదవి కావాలని రాజగోపాల్ రెడ్డి ఎప్పుడూ అడగలేదని అనిరుధ్ రెడ్డి తెలిపారు. పార్టీలో కొన్ని సమస్యలు ఉన్నాయని, వాటిని సరిదిద్దుకుంటే కాంగ్రెస్‌కే మంచిదని అన్నారు. ప్రజా సమస్యలపై నేతలు మాట్లాడటం తప్పు కాదని, పార్టీ ప్రయోజనాల కోసమే రాజగోపాల్ రెడ్డి తన అభిప్రాయాలను వ్యక్తం చేస్తున్నారని స్పష్టం చేశారు.