శంషాబాద్‌ ఎయిర్‌పోర్టులో భారీగా బంగారం పట్టివేత..

హైదరాబాద్‌లోని శంషాబాద్‌ విమానాశ్రయంలో అక్రమంగా తరలిస్తున్న సుమారు 800 గ్రాముల బంగారు ఆభరణాలను డైరెక్టరేట్‌ ఆఫ్‌ రెవెన్యూ ఇంటెలిజెన్స్‌ (డీఆర్‌ఐ) అధికారులు స్వాధీనం చేసుకున్నారు. హైదరాబాద్‌కు చెందిన ఓ నగల వ్యాపారి తిరుచిరాపల్లి నుంచి ఇండిగో విమానంలో నగరానికి వచ్చినట్లు అధికారులు తెలిపారు. ఆయన బ్యాగులో అక్రమంగా బంగారం తరలిస్తున్నట్లు పక్కా సమాచారం అందడంతో డీఆర్‌ఐ అధికారులు శంషాబాద్‌ ఎయిర్‌పోర్టులో ఆకస్మిక తనిఖీలు నిర్వహించారు. ఈ తనిఖీల్లో సుమారు 800 గ్రాముల బంగారు ఆభరణాలను గుర్తించి స్వాధీనం చేసుకున్నారు. వీటి విలువ దాదాపు రూ.1.20 కోట్లుగా అంచనా వేశారు.

బంగారం స్వాధీనం అనంతరం డీఆర్‌ఐ అధికారులు కేసు నమోదు చేసి దర్యాప్తు ప్రారంభించారు. బంగారం ఎక్కడి నుంచి తీసుకొచ్చారు, ఎక్కడికి తరలిస్తున్నారు, ఈ వ్యవహారంలో మరెవరైనా ఉన్నారా అనే అంశాలపై అధికారులు విచారణ కొనసాగిస్తున్నారు. అక్రమ రవాణాకు సంబంధించిన పూర్తి వివరాలను దర్యాప్తు అనంతరం వెల్లడించే అవకాశం ఉంది.