రూపాయి పతనంతో మార్కెట్లు విలవిల

దేశీయ స్టాక్‌ మార్కెట్లు భారీ నష్టాల్లో కొనసాగుతున్నాయి. సెన్సెక్స్‌ ఎనిమిది వందల పాయింట్లకు పైగా పడిపోగా, నిఫ్టీ కూడా రెండువందల యాభై పాయింట్లకు పైగా నష్టపోయింది. అంతర్జాతీయ ఆర్థిక పరిస్థితులు, విదేశీ పెట్టుబడిదారుల అమ్మకాలు, రూపాయి బలహీనత మార్కెట్లపై తీవ్ర ప్రభావం చూపుతున్నాయని విశ్లేషకులు చెబుతున్నారు.

మరోవైపు రూపాయి విలువ కూడా భారీగా పడిపోయింది. అమెరికన్‌ డాలర్‌తో రూపాయి మారకం విలువ తొంభై ఆరు రూపాయల పదిహేడు పైసలకు చేరుకుంది. రూపాయి బలహీనతతో దిగుమతుల వ్యయం పెరిగే అవకాశం ఉందని ఆర్థిక నిపుణులు హెచ్చరిస్తున్నారు. మార్కెట్లలో కొనసాగుతున్న అనిశ్చితి కారణంగా పెట్టుబడిదారుల్లో ఆందోళన పెరుగుతోంది.