పెరుగుతున్న ఈవీ వాటా..తగ్గుతున్న ఇంధన వినియోగం

పశ్చిమాసియా సంక్షోభం నేపథ్యంలో పెట్రోలియం ఉత్పత్తుల వినియోగం తగ్గగా, ఎలక్ట్రిక్ వాహనాల (ఈవీ) వినియోగం గణనీయంగా పెరిగింది. ఎస్‌బీఐ రీసెర్చ్ నివేదిక ప్రకారం, ఈ ఏడాది ఫిబ్రవరి నుంచి అన్ని రాష్ట్రాల్లో ఈవీల వినియోగం వేగంగా పెరుగుతోంది.

నివేదికలో పేర్కొన్న ప్రకారం, రాష్ట్రంలో ఈవీల వాటా 2024లో 1.6 శాతం ఉండగా, ఈ ఏడాది ఇప్పటివరకు 8.9 శాతానికి పెరిగింది. ఇది ఫాసిల్ ఇంధనాలపై ఆధారాన్ని తగ్గిస్తూ, పచ్చదనమైన రవాణా వైపు వేగంగా మారుతున్న ధోరణిని సూచిస్తోంది.