సమ్మర్‌లో చిల్‌గా ఉండాలంటే…ఈ స్మార్ట్ గాడ్జెట్స్ ట్రై చేయండి!

ఈ వేసవిలో చెమటలతో ఇబ్బంది పడుతున్నవారికి స్మార్ట్ గాడ్జెట్స్ మంచి పరిష్కారంగా మారుతున్నాయి. ఆఫీసులో ఉన్నా, జిమ్‌ నుంచి వచ్చినా బయట దొరికే చక్కెర పానీయాలతో విసిగిపోయినవారికి రీచార్జబుల్ పోర్టబుల్ జ్యూసర్ ఒక అద్భుతమైన ఎంపిక. ఎక్కడైనా సులభంగా తీసుకెళ్లగలిగే ఈ చిన్న పరికరం ద్వారా క్షణాల్లో తాజా పండ్ల రసం, స్మూతీలు తయారు చేసుకోవచ్చు. మొబైల్ చార్జర్ లేదా పవర్ బ్యాంక్‌తో చార్జ్ చేసుకునే ఈ పరికరం లీక్ ప్రూఫ్ రూపకల్పనతో భద్రంగా ఉంటుంది. దీని ధర రూ. 570 మాత్రమే.

బయటకు వెళ్లేటప్పుడు నీటి సీసా తీసుకెళ్లడం కష్టంగా అనిపించే వారికి వాటర్ బాటిల్ క్యారియర్ బ్యాగ్ ఎంతో ఉపయోగకరం. ఇందులో సీసాతో పాటు ఫోన్, డబ్బులు, తాళాలు పెట్టుకునేందుకు జిప్ ఉన్న చిన్న జేబు ఉంటుంది. అడ్జస్టబుల్ పట్టాతో ఎవరికైనా సులభంగా ఉపయోగించుకోవచ్చు. నీటిని తట్టుకునే పదార్థంతో తయారైన ఈ బ్యాగ్ వర్షంలో కూడా మీ వస్తువులను రక్షిస్తుంది. ఇది ఆఫీస్, జిమ్ లేదా ప్రయాణాలకు స్టైలిష్ లుక్ ఇస్తుంది. దీని ధర రూ. 500 మాత్రమే.

ఇంకా ఐస్ ముక్కలు తీసుకోవడంలో ఇబ్బంది పడేవారికి సిలికాన్ ఐస్ తయారీ కప్పు మంచి పరిష్కారం. ఇది సాధారణ ట్రేలా కాకుండా స్మార్ట్ సిలిండర్ రూపంలో ఉండి, నీటిని పోసి ఫ్రిజ్‌లో పెట్టితే చిన్న చిన్న ఐస్ ముక్కలు తయారవుతాయి. బటన్ నొక్కితే వెంటనే ఐస్ బయటకు వస్తుంది. తక్కువ స్థలం తీసుకునే ఈ పరికరం ఆహారానికి సురక్షితమైన పదార్థంతో తయారవడం వల్ల ఆరోగ్యకరంగా ఉంటుంది. దీని ధర రూ. 400 మాత్రమే.