భారీ బ్యాటరీతో రెడ్‌మీ నోట్ 17 5జీ లాంచ్..

షావోమీ సబ్‌బ్రాండ్ రెడ్‌మీ భారత మార్కెట్లో రెడ్‌మీ నోట్ 17 5జీ స్మార్ట్‌ఫోన్‌ను విడుదల చేసింది. 6.9 అంగుళాల ఫుల్ హెచ్‌డీ+ AMOLED డిస్‌ప్లే, 120Hz రిఫ్రెష్ రేట్, 1800 నిట్స్ పీక్ బ్రైట్‌నెస్, కార్నింగ్ గొరిల్లా గ్లాస్ 7i రక్షణ, IP65 రేటింగ్‌తో ఈ ఫోన్ అందుబాటులోకి వచ్చింది. క్వాల్కమ్ స్నాప్‌డ్రాగన్ 4 జెన్ 4 ప్రాసెసర్‌తో పనిచేసే ఈ ఫోన్ ఆండ్రాయిడ్ 16 ఆధారిత హైపర్‌ఓఎస్ 3పై రన్ అవుతుంది. నాలుగేళ్ల ఓఎస్ అప్‌డేట్స్, ఆరేళ్ల సెక్యూరిటీ అప్‌డేట్స్ అందిస్తామని రెడ్‌మీ ప్రకటించింది.

కెమెరా విభాగంలో 50 మెగాపిక్సెల్ ప్రధాన కెమెరా, 8 మెగాపిక్సెల్ సెల్ఫీ కెమెరాను అందించారు. 8000mAh భారీ బ్యాటరీతో పాటు 45W ఫాస్ట్ ఛార్జింగ్, 22.5W వైర్డ్ రివర్స్ ఛార్జింగ్ సపోర్ట్ ఉంది. ఒకసారి పూర్తి ఛార్జ్ చేస్తే రెండున్నర రోజుల వరకు బ్యాటరీ బ్యాకప్ ఇస్తుందని కంపెనీ తెలిపింది. 6GB+128GB వేరియంట్ ధర రూ.27,999, 8GB+128GB వేరియంట్ ధర రూ.30,999గా నిర్ణయించారు. ఆగస్టు 12 నుంచి అమెజాన్, షావోమీ ఇండియా ఆన్‌లైన్ స్టోర్‌లలో విక్రయాలు ప్రారంభం కానున్నాయి. ఎస్‌బీఐ, కోటక్, యాక్సిస్ బ్యాంక్ క్రెడిట్ కార్డులతో కొనుగోలు చేస్తే రూ.3,000 వరకు ఇన్‌స్టంట్ డిస్కౌంట్ లభిస్తుంది. ఈ ఫోన్ ఆర్కిటిక్ బ్లూ, డార్క్ నైట్, స్టార్‌లైట్ పర్పుల్ రంగుల్లో లభించనుంది.