మహిళల గోల్ఫ్‌లో ప్రణవి ఉర్స్‌కు స్వర్ణం

జపాన్‌లో జరుగుతున్న 2026 ఆసియా క్రీడల్లో భారత గోల్ఫర్‌ ప్రణవి ఉర్స్‌ చరిత్ర సృష్టించారు. మహిళల వ్యక్తిగత గోల్ఫ్‌ విభాగంలో స్వర్ణ పతకాన్ని సాధించారు. 15 అండర్‌ పార్‌తో పోటీని ముగించిన ప్రణవి చివరి రౌండ్‌లో ఒక్క స్ట్రోక్‌ ఆధిక్యాన్ని నిలబెట్టుకుని స్వర్ణాన్ని సొంతం చేసుకున్నారు. ఆసియా క్రీడల్లో మహిళల వ్యక్తిగత గోల్ఫ్‌లో భారత్‌కు ఇదే తొలి స్వర్ణ పతకం.

ప్రణవి విజయంతో ఆసియా క్రీడల్లో భారత్‌ పతకాల సంఖ్య మరింత పెరిగింది. ప్రణవి ఉర్స్‌, అదితి అశోక్‌, దీక్షా దాగర్‌లతో కూడిన భారత మహిళల గోల్ఫ్‌ జట్టు జట్టు విభాగంలో రజత పతకాన్ని కూడా సాధించింది. ప్రస్తుతం భారత్‌ 18 స్వర్ణాలు, 26 రజతాలు, 35 కాంస్యాలతో మొత్తం 79 పతకాలు సాధించి పతకాల పట్టికలో ఐదో స్థానంలో ఉంది.