కార్ల్‌సన్‌కు చెక్ చెప్పిన ప్రజ్ఞానంద

ఒస్లో చెస్ టోర్నీలో భారత గ్రాండ్‌మాస్టర్ ఆర్ ప్రజ్ఞానంద సంచలన విజయం సాధించాడు. ప్రపంచ నెంబర్ వన్ మాగ్నస్ కార్ల్‌సన్పై 8వ రౌండ్‌లో నల్ల పావులతో ఆడిన ప్రజ్ఞానంద 50వ ఎత్తులో గెలిచి 12 పాయింట్లతో మూడో స్థానానికి చేరుకున్నాడు. ఈ ఓటమితో కార్ల్‌సన్ 9 పాయింట్లతో ఐదో స్థానానికి పడిపోయాడు. డి గుకేష్ అలీరెజా ఫిరౌజా చేతిలో ఓడి 8 పాయింట్లతో చివరి స్థానంలో నిలిచాడు. వెస్లీ సో 14 పాయింట్లతో అగ్రస్థానంలో కొనసాగుతున్నాడు.

మహిళల విభాగంలో కోనేరు హంపి అర్మగెడాన్‌లో అన్నా ముజిచుక్‌పై గెలిచినా 8 పాయింట్లతో చివరి స్థానంలో ఉంది. దివ్య దేశ్‌ముఖ్ బిబిసారా అస్సౌబయేవా చేతిలో ఓడి 10 పాయింట్లతో మూడో స్థానంలో ఉంది. బిబిసారా 15.5 పాయింట్లతో అగ్రస్థానంలో కొనసాగుతోంది.