T20 వరల్డ్ కప్ ఆడాల.. బాయ్ కాట్ చేయాలా.. ప్రధాని నిర్ణయం కోసం పాక్ వెయిటింగ్

ప్రపంచకప్‌లో పాల్గొనడంపై తమ వైఖరి పూర్తిగా పాకిస్తాన్ ప్రభుత్వ నిర్ణయంపై ఆధారపడి ఉంటుందని పాకిస్తాన్ క్రికెట్ బోర్డు (PCB) చైర్మన్ మొహ్సిన్ నక్వీ స్పష్టం చేశారు. ఈ విషయంలో తమకు స్వతంత్ర నిర్ణయం తీసుకునే అధికారం లేదని ఆయన పేర్కొన్నారు.

ప్రస్తుతం పాకిస్తాన్ ప్రధాని దేశంలో లేరని, ఆయన తిరిగి వచ్చిన తర్వాత ప్రభుత్వంతో సంప్రదించి తుది నిర్ణయాన్ని ప్రకటిస్తామని మొహ్సిన్ నక్వీ తెలిపారు. ప్రపంచకప్‌లో పాల్గొనాలా వద్దా అన్న అంశం పూర్తిగా ప్రభుత్వ పరిధిలోనే ఉంటుందని ఆయన అన్నారు.

ఈ విషయంలో పాకిస్తాన్ క్రికెట్ బోర్డు అంతర్జాతీయ క్రికెట్ మండలి (ICC) నిర్ణయాలను కాకుండా, తమ ప్రభుత్వ ఆదేశాలకే లోబడి వ్యవహరిస్తుందని మొహ్సిన్ నక్వీ స్పష్టంగా చెప్పారు. ప్రభుత్వం ఏ నిర్ణయం తీసుకుంటే, దానినే పీసీబీ అమలు చేస్తుందని ఆయన వ్యాఖ్యానించారు.