టీమ్ ఇండియా చరిత్ర సృష్టించింది: తొలిసారి మహిళల వన్డే ప్రపంచకప్‌ను కైవసం!

థ్రిల్లింగ్ ఫైనల్‌లో దక్షిణాఫ్రికాను 52 పరుగుల తేడాతో ఓడించి, తొలిసారి మహిళల వన్డే ప్రపంచకప్‌ను గెలుచుకోవడం ద్వారా టీమ్ ఇండియా క్రికెట్ చరిత్రలో తమ పేరును సువర్ణాక్షరాలతో లిఖించుకుంది

ముందుగా బ్యాటింగ్‌కు దిగిన భారత్, నిర్ణీత ఓవర్లలో 7 వికెట్ల నష్టానికి 298 పరుగుల భారీ స్కోరు సాధించింది. షఫాలీ వర్మ (87), దీప్తి శర్మ (58) ఒత్తిడిలోనూ అద్భుతమైన ఇన్నింగ్స్‌లు ఆడారు. వీరి భాగస్వామ్యం భారత్‌కు చారిత్రాత్మక విజయాన్ని అందించేందుకు బలమైన పునాది వేసింది

299 పరుగుల లక్ష్య ఛేదనలో లారా (101), అన్నేకే (35) చక్కటి పోరాటం చేసినప్పటికీ, క్రమశిక్షణతో కూడిన భారత బౌలింగ్ విజయాన్ని భారత్ వైపు మలుచుకుంది. బంతితోనూ దీప్తి శర్మ అదరగొట్టింది. ఆమె 5 వికెట్లతో సత్తా చాటగా, షఫాలీ (2), శ్రీ చరణి (1) కూడా చక్కటి సహకారం అందించారు. దీంతో భారత్ ప్రతిష్టాత్మక ప్రపంచకప్‌ను ముద్దాడింది. 🇮🇳🏆