ఆసియా క్రీడల్లో భారత్‌కు 21వ స్వర్ణం..

ఆసియా క్రీడలు 2026లో భారత పురుషుల హాకీ జట్టు స్వర్ణ పతకాన్ని సాధించింది. ఫైనల్‌లో మలేసియాను 5-1 తేడాతో ఓడించింది. 11వ నిమిషంలో కెప్టెన్‌ హర్మన్‌ప్రీత్‌ సింగ్‌ పెనాల్టీ కార్నర్‌ను గోల్‌గా మలిచి భారత్‌కు ఆధిక్యం అందించాడు. 14వ నిమిషంలో మలేసియా గోల్‌తో స్కోరు సమమైనప్పటికీ.. 23వ నిమిషంలో లక్రా గోల్‌ చేసి భారత్‌ను మళ్లీ ఆధిక్యంలోకి తీసుకెళ్లాడు. రెండో అర్ధభాగంలో భారత ఆటగాళ్లు దూకుడుగా ఆడి 5-1తో విజయాన్ని ఖరారు చేశారు. దీంతో ఒకే ఆసియా క్రీడల ఎడిషన్‌లో భారత పురుషుల, మహిళల హాకీ జట్లు స్వర్ణాలు సాధించడం తొలిసారి అయింది.

ఈ విజయంతో ఆసియా క్రీడల్లో భారత్‌ 21 స్వర్ణాలు, 27 రజతాలు, 37 కాంస్యాలతో మొత్తం 85 పతకాలు సాధించి నాలుగో స్థానంలో నిలిచింది. మహిళల 53 కేజీల రెజ్లింగ్‌లో అంతిమ్‌ పంఘాల్‌ రజత పతకం సాధించగా.. పురుషుల 97 కేజీల ఫ్రీస్టైల్‌లో దీపక్‌ పునియా కాంస్యం గెలిచాడు. పతకాల పట్టికలో చైనా అగ్రస్థానంలో నిలవగా.. జపాన్‌, దక్షిణ కొరియా తర్వాత భారత్‌ నాలుగో స్థానాన్ని దక్కించుకుంది.