హాకీ ప్రపంచకప్‌లో భారత్ శుభారంభం

నెదర్లాండ్స్‌లో జరుగుతున్న హాకీ ప్రపంచకప్‌లో భారత పురుషుల జట్టు శుభారంభం చేసింది. పూల్-డిలో వేల్స్‌తో జరిగిన మ్యాచ్‌లో హర్మన్‌ప్రీత్ సింగ్ నేతృత్వంలోని భారత్ 3-1 తేడాతో విజయం సాధించింది. భారత్‌కు లభించిన ఐదు పెనాల్టీ కార్నర్‌లలో మూడింటిని గోల్స్‌గా మలిచింది. తొలి క్వార్టర్‌లో సంజయ్ 8వ నిమిషంలో గోల్ చేయగా, హర్మన్‌ప్రీత్ 11వ నిమిషంలో మరో గోల్ చేసి భారత్‌కు ఆధిక్యం అందించాడు.

రెండో క్వార్టర్‌లో ఇరుజట్లూ గోల్ చేయలేకపోయాయి. మూడో క్వార్టర్‌లో 43వ నిమిషంలో హర్మన్‌ప్రీత్ తన రెండో గోల్ చేయడంతో భారత్ 3-0 ఆధిక్యంలోకి వెళ్లింది. చివరి క్వార్టర్‌లో వేల్స్ తరఫున సామ్ వెల్ష్ 56వ నిమిషంలో గోల్ చేసినప్పటికీ భారత్ విజయాన్ని అందుకుంది. భారత్ తదుపరి మ్యాచ్‌లో ఆగస్టు 17న ఇంగ్లాండ్‌తో తలపడనుంది.