బిగ్ బాస్ 10 వైల్డ్ కార్డ్ ఎంట్రీలపై పెరిగిన ఉత్కంఠ.. వీళ్ల పేర్లు వైరల్

బిగ్ బాస్ తెలుగు సీజన్ 10 ఐదో వారంలోకి అడుగుపెట్టడంతో హౌస్‌లో ఉత్కంఠ మరింత పెరిగింది. ఇప్పటికే నలుగురు కంటెస్టెంట్లు ఎలిమినేట్ కాగా, ప్రస్తుతం 14 మంది హౌస్‌లో ఉన్నారు. ఈ వారం అమన్, అపూర్వ, రోహిత్, ఝాన్సీ, చరణ్, షాలిని, నరేశ్, రాంప్రసాద్, త్రిగుణ్, ముకేష్ నామినేషన్స్‌లో ఉన్నారు. ఈ వీకెండ్‌లో డబుల్ ఎలిమినేషన్‌తో పాటు వైల్డ్ కార్డ్ ఎంట్రీలు ఉండొచ్చనే ప్రచారం జరుగుతోంది. ఈ నేపథ్యంలో మాజీ కంటెస్టెంట్, యూట్యూబర్, రివ్యూయర్ ఆది రెడ్డి కొందరు వైల్డ్ కార్డ్ కంటెస్టెంట్ల పేర్లను వెల్లడించినట్లు సమాచారం.

ఆది రెడ్డి అంచనా ప్రకారం.. బిగ్ బాస్ 7లో గ్రాండ్ ఫినాలే వరకు వెళ్లిన ప్రియాంక జైన్ బాయ్‌ఫ్రెండ్ శివ్ కుమార్ వైల్డ్ కార్డ్‌గా ఎంట్రీ ఇవ్వనున్నట్లు తెలుస్తోంది. అలాగే నటరాజ్ మాస్టర్ భార్య నీతూ, ‘అగ్నిపరీక్ష’లో పాల్గొన్న నవరసాలు రామకృష్ణ, రూ.15 లక్షల సూట్‌కేస్ తీసుకుని హౌస్ నుంచి వెళ్లిపోయిన మిథిలేష్ పేర్లు కూడా వినిపిస్తున్నాయి. వీరితో పాటు సీరియల్ నటి కావ్యశ్రీ, జబర్దస్త్ ఫేమ్ నూకరాజు, రాకింగ్ రాకేశ్ పేర్లు కూడా ప్రచారంలో ఉన్నాయి. అయితే వీరిలో నిజంగా ఎవరెవరు హౌస్‌లోకి అడుగుపెడతారనేది అధికారికంగా తెలియాలంటే అక్టోబర్ 11 ఆదివారం వరకు వేచి చూడాల్సిందే.