

బిగ్ బాస్ తెలుగు సీజన్ 10లో పదకొండో వారం ఎలిమినేషన్పై ఆసక్తికరమైన చర్చ జరుగుతోంది. ఈ వారం హౌస్ నుంచి నీతూ ఎలిమినేట్ అయినట్లు ప్రచారం సాగుతోంది. ఈ వార్తకు మరింత బలం చేకూర్చేలా నటరాజ్ మాస్టర్ తాజాగా ఓ వీడియోను షేర్ చేశారు. ఆదివారం ఉదయం కొన్ని కీలక విషయాలను బయటపెడతానని, అన్ని అంశాలను విడతలవారీగా వివరిస్తానని ఆయన పేర్కొన్నారు. నీతూ ఎలిమినేషన్ అన్యాయంగా జరిగిందని, బిగ్ బాస్ టీమ్ వ్యవహారశైలిపై ఆయన అసంతృప్తిగా ఉన్నట్లు తెలుస్తోంది. అయితే నీతూ ఎలిమినేషన్పై అధికారిక ప్రకటన రావాల్సి ఉంది.
ఈ వారం హౌస్లో డిక్టేటర్ థీమ్ కొనసాగింది. ఈ టాస్క్లో త్రిగుణ్ విజయం సాధించగా, ముకేష్ విఫలమయ్యాడు. తొలుత నీతూ, వర్షిణి, ఆర్కే, సుధీర్ డేంజర్ జోన్లో ఉన్నట్లు ప్రచారం జరిగింది. ఈ నలుగురిలో ఇద్దరు ఎలిమినేట్ అవుతారని ప్రేక్షకులు భావించినప్పటికీ, చివరకు సింగిల్ ఎలిమినేషన్ మాత్రమే జరిగినట్లు సమాచారం. మరోవైపు, నీతూకు మద్దతుగా నటరాజ్ మాస్టర్ గతంలోనూ పలు వీడియోలు విడుదల చేశారు. ఇప్పుడు ఆమె ఎలిమినేషన్పై కూడా స్పందించేందుకు సిద్ధమవడంతో ఆయన ఏ విషయాలను బయటపెడతారనే ఆసక్తి నెలకొంది. త్రిగుణ్, వంశీతో పాటు బిగ్ బాస్ టీమ్ నిర్ణయాలపై కూడా ఆయన మాట్లాడతారా అన్నది చూడాలి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!