రిపబ్లికన్ల కంచుకోటల్లో డెమోక్రాట్ల జెండా.. అమెరికా ఎన్నికల్లో సంచలనం!

అమెరికా 2026 మధ్యంతర ఎన్నికల ఫలితాలు అధ్యక్షుడు డొనాల్డ్ ట్రంప్, రిపబ్లికన్ పార్టీకి గట్టి ఎదురుదెబ్బగా మారాయి. కీలక రాష్ట్రాల్లో రిపబ్లికన్ల ఆధీనంలోని సెనెట్ స్థానాలను డెమోక్రాట్లు కైవసం చేసుకుంటున్నారు. దీంతో ఎగువసభలో ఆధిపత్యం సాధించారు. ప్రతినిధుల సభలోనూ మెజారిటీ దక్కించుకోవడంతో కాంగ్రెస్‌లో డెమోక్రాట్ల బలం పెరిగింది. ఈ ఫలితాలపై ట్రంప్ అసహనం వ్యక్తం చేశారు. బ్యాలెట్ పేపర్‌పై తన పేరు ఉండి ఉంటే రిపబ్లికన్లు ఘన విజయం సాధించేవారని ట్రూత్ సోషల్ వేదికగా వ్యాఖ్యానించారు. అయితే ఎన్నికల ఫలితాలను స్వాగతిస్తున్నానని, డెమోక్రాట్లతో కలిసి పనిచేసేందుకు సిద్ధంగా ఉన్నానని తెలిపారు.

రిపబ్లికన్లకు కంచుకోటలుగా ఉన్న సౌత్ కరోలినా, టెక్సాస్ వంటి రాష్ట్రాల్లోనూ డెమోక్రాట్లు సంచలన విజయాలు నమోదు చేశారు. సౌత్ కరోలినాలో డెమోక్రటిక్ అభ్యర్థి అన్నీ ఆండ్రూస్.. రిపబ్లికన్ అభ్యర్థి డార్లిన్ గ్రాహంపై విజయం సాధించారు. 1998 తర్వాత ఆ రాష్ట్రంలో డెమోక్రటిక్ పార్టీకి సెనెట్ స్థానం దక్కడం ఇదే తొలిసారి. టెక్సాస్‌లో జేమ్స్ తలారికో.. రిపబ్లికన్ అభ్యర్థి కెన్ పాక్స్టన్‌పై గెలిచి చరిత్ర సృష్టించారు. ఒహాయోలో షెరాడ్ బ్రౌన్.. జాన్ హ్యూస్టెడ్‌ను ఓడించగా, అయోవాలో జోష్ టురెక్.. రిపబ్లికన్ అభ్యర్థి యాష్లే హిన్సన్‌పై విజయం సాధించారు. ఈ విజయాలతో సెనెట్‌లో డెమోక్రాట్లు ఆధిపత్యం సాధించడంతో అమెరికా రాజకీయాల్లో కీలక మార్పు చోటుచేసుకుంది.