ఇండియాలో డిజిటల్‌ ఎంట్రీ ఇచ్చిన ‘స్పైడర్‌ మ్యాన్‌: బ్రాండ్‌ న్యూ డే’

బాక్సాఫీస్‌ వద్ద భారీ విజయాన్ని అందుకున్న ‘స్పైడర్‌ మ్యాన్‌: బ్రాండ్‌ న్యూ డే’ ఇండియాలో డిజిటల్‌గా అందుబాటులోకి వచ్చింది. అమెజాన్‌ ప్రైమ్‌ వీడియోలో ముందస్తు అద్దె విధానంలో ఈ మార్వెల్‌ చిత్రం అందుబాటులో ఉంది. ప్రేక్షకులు రూ.299 చెల్లించి సినిమాను అద్దెకు తీసుకుని వీక్షించవచ్చు. యాపిల్‌ టీవీలోనూ ఈ చిత్రం అందుబాటులో ఉండగా అద్దెకు రూ.399, కొనుగోలుకు రూ.599 చెల్లించాల్సి ఉంటుంది. తెలుగు, హిందీ, తమిళం, మలయాళం తదితర భారతీయ భాషల్లో సినిమా అందుబాటులో ఉండటంతో అభిమానులు ఇంటి నుంచే ఈ మార్వెల్‌ వండర్‌ను వీక్షించే అవకాశం లభించింది.

‘షాంగ్‌-చీ అండ్‌ ది లెజెండ్‌ ఆఫ్‌ ది టెన్‌ రింగ్స్‌’ ఫేమ్‌ డెస్టిన్‌ డేనియల్‌ క్రెట్టన్‌ దర్శకత్వం వహించిన ఈ చిత్రంలో టామ్‌ హాలండ్‌ స్పైడర్‌ మ్యాన్‌గా నటించారు. జెండయా, సాడీ సింక్‌, జాన్‌ బెర్న్‌థాల్‌ కీలక పాత్రల్లో కనిపించారు. కెవిన్‌ ఫైజీ, అమీ పాస్కల్‌ ఈ చిత్రానికి నిర్మాతలుగా వ్యవహరించారు. ప్రపంచవ్యాప్తంగా భారీ వసూళ్లు సాధించిన ఈ సినిమా ‘అవతార్‌’, ‘అవెంజర్స్‌: ఎండ్‌గేమ్‌’ తర్వాత అత్యధిక వసూళ్లు సాధించిన చిత్రాల జాబితాలో మూడో స్థానంలో నిలిచింది.