ధురంధర్ ది రివెంజ్ ఓటీటీ విడుదల తేదీ ఖరారు

ఇండియన్ బాక్సాఫీస్ వద్ద భారీ వసూళ్లు సాధించిన ‘ధురంధర్: ది రివెంజ్’ ఓటీటీ రిలీజ్ డేట్‌ను జియోహాట్‌స్టార్ అధికారికంగా ప్రకటించింది. జూన్ 5 నుంచి ఈ చిత్రం స్ట్రీమింగ్ కానుండగా, వచ్చే నెల 4 రాత్రి 7 గంటలకు డిజిటల్ ప్రీమియర్ జరగనుంది. హిందీ, తెలుగు, తమిళ, కన్నడ, మలయాళ భాషల్లో ఈ సినిమా అందుబాటులో ఉంటుంది. అంతర్జాతీయంగా నెట్‌ఫ్లిక్స్‌లో విడుదల కానుంది.

రణ్‌వీర్ సింగ్ ప్రధాన పాత్రలో ఆదిత్యధర్ దర్శకత్వంలో తెరకెక్కిన ఈ యాక్షన్ థ్రిల్లర్ దాదాపు రూ.1800 కోట్లకు పైగా వసూళ్లు రాబట్టింది. ఓటీటీ వెర్షన్‌లో అదనపు సన్నివేశాలు జోడించారు. సినిమా కథలో గ్యాంగ్ వార్, గూఢచారి ఆపరేషన్లు, ప్రతీకారం వంటి అంశాలు ప్రధానంగా ఉంటాయి.