తెలుగు, తమిళ్ లో కన్నడ యాక్షన్ త్రిలర్ బ్రాట్ మూవీ

ప్రతివారం ఓటీటీల్లో కొత్త సినిమాలు ప్రేక్షకులను అలరిస్తూనే ఉంటాయి. అలాగే, ఇతర భాషల్లో విజయం సాధించిన సినిమాలు కూడా ఇప్పుడు డబ్బింగ్ రూపంలో వస్తున్నాయి. అలాంటి ఓ కన్నడ యాక్షన్ థ్రిల్లర్ మూవీ ప్రేక్షకులకు సడన్ సర్‌ప్రైజ్ ఇచ్చింది. కొద్ది రోజుల క్రితం ఒరిజినల్ వెర్షన్ స్ట్రీమింగ్‌లోకి రాగా, ఇప్పుడు తమిళ మరియు తెలుగు వెర్షన్‌లను కూడా విడుదల చేశారు. ఇంతకీ ఈ సినిమా ఏంటి? ఎక్కడ చూడొచ్చు?

కన్నడ హీరో డార్లింగ్ కృష్ణ నటించిన తాజా సినిమా ‘బ్రాట్ (Brat)’. ఈ చిత్రం అక్టోబర్ 31న థియేటర్లలో విడుదలైంది. విడుదల సమయంలో మిశ్రమ స్పందనను పొందింది. క్రికెట్ బెట్టింగ్ కాన్సెప్ట్‌తో తెరకెక్కిన ఈ యాక్షన్ థ్రిల్లర్ ప్రస్తుతం అమెజాన్ ప్రైమ్ వీడియోలో తెలుగులో కూడా స్ట్రీమింగ్ అవుతోంది.

‘బ్రాట్’ కథ విషయానికొస్తే, క్రిస్టీ (డార్లింగ్ కృష్ణ) అనే యువకుడు సులభంగా డబ్బు సంపాదించి కోటీశ్వరుడు కావాలని కలలు కంటాడు. ఈజీ మనీ కోసం క్రికెట్ బెట్టింగ్‌లోకి దిగుతాడు. అయితే, క్రిస్టీ తండ్రి ఒక పోలీస్ అధికారి. ఈ కారణంగా తండ్రి, కొడుకుల మధ్య విభేదాలు ఏర్పడతాయి. ఈ సంఘర్షణే కథ యొక్క ప్రధాన అంశం. ఫస్టాఫ్ బాగున్నప్పటికీ సెకండాఫ్‌లో ల్యాగ్ వల్ల యావరేజ్‌గా నిలిచింది.