టీవీకే చీఫ్‌ విజయ్‌తో విడాకులు కోరిన భార్య సంగీత

టీవీకే చీఫ్‌గా వ్యవహరిస్తున్న విజయ్ పై ఆయన భార్య సంగీత సోర్నలింగం చెంగల్‌పట్టు కోర్టులో విడాకుల పిటిషన్ దాఖలు చేసినట్లు సమాచారం. 1999 లో వివాహం జరిగిన ఈ దంపతులు గత ఐదేళ్లుగా మానసికంగా విడిపోయి ఉన్నామని సంగీత తన పిటిషన్‌లో పేర్కొన్నట్లు తెలుస్తోంది. సినీ నటితో వివాహేతర సంబంధం కొనసాగిస్తున్నారనే ఆరోపణలతో ఆమె కోర్టును ఆశ్రయించినట్టు నివేదికలు చెబుతున్నాయి.

పిటిషన్ మేరకు ఏప్రిల్ 20 న కోర్టుకు హాజరుకావాలని విజయ్‌కు నోటీసులు జారీ అయినట్లు సమాచారం. విజయ్ ఆ నటితో విదేశీ పర్యటనలు, పార్టీలకు హాజరవుతున్నారని సంగీత ఆరోపించారు. వేధింపులు కొనసాగితే ఆ నటిపై పూర్తి వివరాలు వెల్లడిస్తానని కూడా హెచ్చరించినట్లు తెలుస్తోంది. ఈ వ్యవహారం తమిళ సినీ, రాజకీయ వర్గాల్లో చర్చనీయాంశంగా మారింది.