న్యూజిలాండ్ మహిళా జట్టు సూపర్ రికార్డు

న్యూజిలాండ్ మహిళల క్రికెట్ జట్టు మహిళల వన్డే క్రికెట్‌లో చరిత్ర సృష్టించింది. దక్షిణాఫ్రికా మహిళల జట్టుతో జరిగిన రెండో వన్డేలో 347 పరుగుల భారీ లక్ష్యాన్ని విజయవంతంగా ఛేదించి కొత్త రికార్డు నెలకొల్పింది. తొలుత దక్షిణాఫ్రికా 50 ఓవర్లలో 346 పరుగులు చేయగా, న్యూజిలాండ్ జట్టు అద్భుతంగా ఆడుతూ 49.4 ఓవర్లలో 350 పరుగులు చేసి లక్ష్యాన్ని చేరుకుంది.

ఈ మ్యాచ్‌లో అమెలియా కెర్ అద్భుత ప్రదర్శన కనబరిచి 179 పరుగులతో నాటౌట్‌గా నిలిచింది. ఆమె కీలక ఇన్నింగ్స్‌తో జట్టుకు విజయం అందించింది. అంతకుముందు అత్యధిక లక్ష్య ఛేదన రికార్డు భారత్ పేరిట ఉండగా, ఇప్పుడు ఆ ఘనత న్యూజిలాండ్ జట్టు సొంతమైంది.