కేంద్ర బడ్జెట్ ను స్వాగతిస్తున్న - ఏపీ సీఎం చంద్రబాబు

ఏపీ ముఖ్యమంత్రి చంద్రబాబు నాయుడు కుప్పంలో కేంద్ర బడ్జెట్‌పై స్పందిస్తూ, కేంద్రం ప్రవేశపెట్టిన బడ్జెట్‌ను స్వాగతించారు. ప్రధాని నరేంద్ర మోదీ మరియు ఆర్థిక మంత్రి నిర్మలా సీతారామన్‌ను అభినందిస్తూ, రాష్ట్ర ప్రభుత్వం దృష్టి సారించిన అంశాల్లో మరింతగా పురోగతి సాధించడానికి ఈ బడ్జెట్ సహకరిస్తుందని చెప్పారు. ఈ బడ్జెట్ ఎంఎస్ఎంఈలు, మహిళలు, రైతులు, యువత సాధికారత సాధించేలా రూపొందించబడింది మరియు 2047 లో భారత్ అభివృద్ధి చెందిన ఆర్ధిక వ్యవస్థగా మారడానికి దోహదపడుతుందని అన్నారు.

కేంద్ర బడ్జెట్‌లో ఏఐ, టెక్నాలజీ, రిన్యువబుల్ ఎనర్జీ, హైస్పీడ్ రైల్ కారిడార్ల వంటి ప్రాధాన్యతలు ప్రతిఫలించాయి. హైదరాబాద్ - బెంగుళూరు, హైదరాబాద్-  చెన్నై, బెంగుళూరు - చెన్నై హైస్పీడ్ రైల్ ప్రాజెక్టులు ఏపీని వివిధ ప్రాంతాలతో అనుసంధానిస్తాయి. అలాగే, డెడికేటెడ్ రేర్ ఎర్త్ కారిడార్ ద్వారా రాష్ట్రానికి అత్యంత విలువైన ఖనిజాలను వెలికితీసి, క్రిటికల్ ఎలక్ట్రానిక్స్ పరిశ్రమకు అవకాశాలు కల్పిస్తుందని ఆయన తెలిపారు.

డేటా సెంటర్లు, సెమీకండక్టర్, టెక్స్‌టైల్, పర్యాటకం, హాస్పిటాలిటీ, కుందుర్లు, చందనం వంటి పంటలకు కూడా కేంద్రం ప్రాధాన్యత ఇచ్చింది. ప్రత్యేకంగా 2047 వరకు డేటా సెంటర్ల పన్ను మినహాయింపులు ప్రకటించడంతో, ఆర్టిఫిషియల్ ఇంటెలిజెన్స్ మరియు డిజిటల్ రంగంలో పెద్ద ఎత్తున ఉద్యోగ అవకాశాలు ఏర్పడతాయని చంద్రబాబు నాయుడు పేర్కొన్నారు. బడ్జెట్‌లో మొదటిసారిగా లాజిస్టిక్స్ రంగానికి ప్రత్యేక దృష్టి ఇచ్చినందుకు కూడా ఆయన హైలైట్ చేశారు.