ట్రంప్‌ కీలక వ్యాఖ్యలు..

ప్రస్తుతం కొనసాగుతున్న యుద్ధ పరిస్థితులపై అమెరికా మాజీ అధ్యక్షుడు డొనాల్డ్ ట్రంప్ కీలక వ్యాఖ్యలు చేశారు. ఇంకా యుద్ధాన్ని పూర్తిస్థాయిలో ఉధృతం చేయలేదని, అవసరమైతే త్వరలోనే దాడులను మరింత పెంచుతామని తెలిపారు. తమ బలగాలు ఇరాన్‌ను తరిమికొట్టాయని పేర్కొంటూ, అరబ్ దేశాలపై ఇరాన్ దాడి చేయడం ఆశ్చర్యం కలిగించిందన్నారు. ఇరాన్ వారసత్వ ప్రణాళిక గురించి స్పష్టమైన సమాచారం లేదని ఆయన వ్యాఖ్యానించారు.

ఇక అమెరికా రక్షణశాఖ కూడా ఘాటు హెచ్చరికలు జారీ చేసింది. రక్షణ మంత్రి పీట్ హెగ్‌సెత్ మాట్లాడుతూ, అమెరికాను లేదా అమెరికన్లను బాధిస్తే ఎట్టి పరిస్థితుల్లోనూ క్షమించబోమన్నారు. అమెరికా జోలికి వచ్చిన వారిని భూమిపై ఎక్కడున్నా వేటాడి మట్టుబెడతామని స్పష్టం చేశారు. ఎంతటి శక్తి అయినా అమెరికాతో తలపడితే మూల్యం చెల్లించక తప్పదని గట్టిగా హెచ్చరించారు.