శ్రీరామనవమి శోభాయాత్రకు హైదరాబాద్‌లో పటిష్ట భద్రత!

శ్రీరామనవమి శోభాయాత్ర సందర్భంగా హైదరాబాద్ నగర పోలీస్ కమిషనర్ సజ్జనర్ సీతారాం బాగ్ పరిసరాల్లో భద్రతా ఏర్పాట్లను ప్రత్యక్షంగా పరిశీలించారు. ఈ సందర్భంగా ఆయన మాట్లాడుతూ, శోభాయాత్ర ప్రశాంతంగా సాగేందుకు అన్ని ఏర్పాట్లు పూర్తి చేసినట్లు తెలిపారు.

ఈ యాత్ర మధ్యాహ్నం 2 గంటలకు సీతారాం బాగ్ ఆలయం నుంచి ప్రారంభమై రాత్రి 10 గంటల వరకు కొనసాగనుంది. దాదాపు 3 వేల మంది పోలీస్ సిబ్బందితో బందోబస్తు ఏర్పాటు చేసి, డ్రోన్లు, సీసీటీవీ కెమెరాల ద్వారా నిరంతరం పర్యవేక్షణ చేపడుతున్నట్లు వెల్లడించారు. అంతకుముందు గవర్నర్ శివ్ ప్రతాప్ శుక్లా, జీహెచ్ఎంసీ కమిషనర్ ఆర్వీ కర్ణన్‌తో కలిసి స్వామివారిని దర్శించి ప్రత్యేక పూజలు నిర్వహించారు.