సంధ్య థియేటర్‌ తొక్కిసలాట ఘటనలో ఛార్జ్‌షీట్‌ను తిప్పిపంపిన నాంపల్లి కోర్టు

సంధ్య థియేటర్ తొక్కిసలాట ఘటనలో కీలక పరిణామం చోటుచేసుకుంది. పోలీసులు దాఖలు చేసిన ఛార్జ్‌షీట్‌ను నాంపల్లి కోర్టు తిరిగి పంపించింది. ఇప్పటికే రెండుసార్లు ఛార్జ్‌షీట్‌ను రిటర్న్ చేసిన కోర్టు, దాఖలులో సాంకేతిక లోపాలు ఉన్నట్లు గుర్తించింది. ఈ కేసులో నటుడు అల్లుఅర్జున్ సహా మొత్తం 23 మందిపై పోలీసులు ఛార్జ్‌షీట్ దాఖలు చేశారు.

పోలీసులు సమర్పించిన పత్రాల్లో అవసరమైన హార్డ్ డిస్కులు, సీడీలు, పెన్ డ్రైవ్‌లు జతపరచకపోవడం వంటి లోపాలను కోర్టు సూచించింది. పూర్తి ఆధారాలతో మళ్లీ సమర్పించాలని ఆదేశించింది. ఈ పరిణామం కేసు విచారణలో మరో కీలక మలుపుగా భావిస్తున్నారు.