మెగా యూత్ ఫోర్స్ ప్రారంభం…సుష్మిత కొణిదెల కీలక అడుగు

నిర్మాత సుష్మిత కొణిదెల అధికారికంగా “మెగా యూత్ ఫోర్స్”ను ప్రారంభించారు. యువ మెగా అభిమానులను ఒకే వేదికపైకి తీసుకువచ్చి, వారి శక్తిని సమాజానికి ఉపయోగపడే సేవా కార్యక్రమాల వైపు మళ్లించే లక్ష్యంతో ఈ కార్యక్రమాన్ని ప్రారంభించినట్లు తెలిపారు.

ఈ సందర్భంగా రాజమండ్రికి చెందిన బాబీ యేడిదను “మెగా యూత్ ఫోర్స్” జాతీయ సమన్వయకర్తగా నియమించారు. యువతలో సేవా భావాన్ని పెంపొందిస్తూ, సమాజానికి మేలు చేసే కార్యక్రమాల్లో వారి భాగస్వామ్యాన్ని పెంచడమే ఈ సంస్థ ప్రధాన ఉద్దేశ్యమని నిర్వాహకులు వెల్లడించారు.