'మా ఇంటి బంగారం' రిలీజ్ డేట్ ఫిక్స్

సమంత నటిస్తున్న యాక్షన్ కామెడీ ఫ్యామిలీ డ్రామా 'మా ఇంటి బంగారం' జూన్ 19న గ్రాండ్‌గా విడుదల కానుంది. ట్రాలాలా మూవింగ్ పిక్చర్స్ బ్యానర్‌పై సమంత, రాజ్ నిడిమోరు, హిమాంక్ దువ్వూరు సంయుక్తంగా నిర్మిస్తున్న ఈ సినిమాను నందినీ రెడ్డి దర్శకత్వం వహించారు. టీజర్, ‘తస్సాదియ్యా’ పాటతో ఈ సినిమాపై ఇప్పటికే భారీ అంచనాలు నెలకొన్నాయి.

తాజాగా విడుదల తేదీ పోస్టర్‌లో సమంత చీరకట్టులో గన్ పట్టుకున్న లుక్ ఆకట్టుకుంటోంది. వేటకు బయలుదేరిన సివంగిలా ఆమె పాత్ర కనిపిస్తోంది. ‘ఓ బేబీ’ తర్వాత నందినీ రెడ్డి, సమంత కాంబినేషన్‌లో వస్తున్న సినిమా కావడంతో అంచనాలు మరింత పెరిగాయి. ఈ చిత్రంలో దిగ్నాథ్, గుల్షన్ దేవయ్య, శ్రీ ముఖి, గౌతమి, ఆనంద్, లక్ష్మీ, శ్రీనివాస్ గవిరెడ్డి, మంజూష కీలక పాత్రల్లో నటిస్తున్నారు. కుటుంబమంతా కలిసి చూడదగ్గ చిత్రంగా ఈ సినిమా రూపొందుతోంది.