ప్రపంచంలో అత్యధిక ఉష్ణోగ్రతలతో ఉన్న 50 నగరాల్లో 49 భారత్‌వే!

ప్రపంచంలో అత్యధిక ఉష్ణోగ్రతలతో ఉన్న 50 నగరాల్లో 49 నగరాలు భారత్‌లోనే ఉన్నాయని AQI.in విడుదల చేసిన రియల్ టైమ్ డేటా వెల్లడించింది. ఒడిశాలోని బాలంగీర్, తల్చర్ నగరాలు 44 డిగ్రీల ఉష్ణోగ్రతతో అగ్రస్థానంలో నిలిచాయి. బీహార్, ఉత్తరప్రదేశ్, పశ్చిమ బెంగాల్, ఛత్తీస్‌గఢ్, ఒడిశా రాష్ట్రాల నగరాలు ఈ జాబితాలో ఎక్కువగా ఉండడం ప్రస్తుతం దేశంలో తీవ్ర వేడి పరిస్థితులను సూచిస్తోంది.

ఈ జాబితాలో భారత్‌కు వెలుపల ఉన్న ఏకైక నగరం థాయ్‌లాండ్‌లోని టాక్, ఇది 27వ స్థానంలో నిలిచింది. దేశవ్యాప్తంగా పెరుగుతున్న ఉష్ణోగ్రతలు ప్రజల ఆరోగ్యం, నీటి కొరత, వాతావరణ పరిస్థితులపై ఆందోళన కలిగిస్తున్నాయి. వేడి తీవ్రత మరింత పెరిగే అవకాశాలు ఉన్నందున ప్రజలు అప్రమత్తంగా ఉండాలని నిపుణులు సూచిస్తున్నారు.