వైసీపీ నేత బొత్స కు హెరిటేజ్ లీగల్ నోటీసులు

వైసీపీ నేత, ఎమ్మెల్సీ బొత్స సత్యనారాయణకు హెరిటేజ్ సంస్థ లీగల్ నోటీసులు పంపించింది. సంస్థపై అసత్య, నిరాధార ఆరోపణలు చేస్తూ ప్రతిష్టను దెబ్బతీయడానికి ప్రయత్నించారని ఆరోపిస్తూ హెరిటేజ్ తరపున న్యాయవాది జి. మల్లిఖార్జున్‌రావు ఈ నోటీసులు జారీ చేశారు. తప్పుడు ప్రచారం చేసిన అంశాలపై స్పష్టమైన వివరణ ఇవ్వాలని నోటీసులో కోరారు.

దశాబ్దాలుగా అత్యున్నత ప్రమాణాలతో కార్యకలాపాలు నిర్వహిస్తూ ప్రజల విశ్వాసాన్ని సంపాదించుకున్నామని హెరిటేజ్ సంస్థ పేర్కొంది. పారదర్శక విధానాలతో సంస్థ చట్టబద్ధంగా పనిచేస్తోందని, జాతీయ-అంతర్జాతీయ స్థాయిలో పలు గుర్తింపులు పొందిందని నోటీసులో వెల్లడించింది.