డిగ్రీ విద్యార్థులకు గుడ్‌న్యూస్.. ఫ్రీ హాస్టల్, కోచింగ్

డిగ్రీ చదవాలనుకునే విద్యార్థులకు మంచి అవకాశం వచ్చింది. మహాత్మా జ్యోతిబా ఫూలే తెలంగాణ BC గురుకుల డిగ్రీ కాలేజీల్లో 2026-27 విద్యా సంవత్సరానికి అడ్మిషన్ల ప్రకటన విడుదల చేసింది. రాష్ట్రవ్యాప్తంగా ఉన్న 30 కాలేజీల్లో మొత్తం 9,260 సీట్లు అందుబాటులో ఉన్నాయి. BSc, BCom, BBA వంటి కోర్సులతో పాటు యానిమేషన్ వంటి ప్రత్యేక కోర్సులు కూడా ఉన్నాయి.

విద్యార్థులు మే 10వ తేదీ లోపు ఆన్‌లైన్ ద్వారా దరఖాస్తు చేసుకోవాలి. ఈ కాలేజీల్లో ఉచిత వసతి సదుపాయం అందిస్తారు. అలాగే నాణ్యమైన విద్యతో పాటు పోటీ పరీక్షలకు కోచింగ్ కూడా ఇస్తారు.

ఆర్థికంగా వెనుకబడిన విద్యార్థులకు మంచి విద్య అందించడమే ఈ కార్యక్రమం లక్ష్యం. అర్హత ఉన్న వారు ఈ అవకాశాన్ని ఉపయోగించుకోవాలని సూచిస్తున్నారు.