బ్యాంక్ దోపిడీలతో నడిచే కథ ‘కర’.. విడుదలకు సిద్ధం

ఓ రాత్రి అతను ఒక బ్యాంకులోకి చొరబడి దోపిడీ చేశాడు. కానీ అక్కడితో ఆగలేదు. మరుసటి రోజే పట్టపగలే మరో బ్యాంకును దోచుకున్నాడు. అంటే అతనికి కచ్చితంగా ఏదో పెద్ద అవసరం ఉన్నట్టే అనే ఆసక్తికర సంభాషణతో ‘కర’ సినిమా ప్రపంచాన్ని చిత్రబృందం పరిచయం చేసింది.

ధనుష్ ప్రధాన పాత్రలో నటిస్తున్న ఈ చిత్రానికి విఘ్నేశ్ రాజా దర్శకత్వం వహించారు. మమితా బైజు కథానాయికగా నటించగా, ఈశారీ కె. గణేశ్ నిర్మించారు. ఈ చిత్రం ఈ నెల 30న ప్రేక్షకుల ముందుకు రానుంది.

ఈ సందర్భంగా చిత్రబృందం ట్రైలర్‌ను సామాజిక మాధ్యమాల్లో విడుదల చేసింది. ఇందులో డబ్బును దోచుకునే దొంగ పాత్రలో సరికొత్త రూపంలో ధనుష్ కనిపిస్తూ ఆకట్టుకుంటున్నారు. చివర్లో వినిపించిన అతను ఈరోజు కచ్చితంగా దొరికిపోతాడు అంటూ ట్రైలర్‌లో ఆఖర్లో వినిపించిన సంభాషణ సినీప్రియుల దృష్టిని ఆకర్షిస్తుంది.