బాలయ్యతో వశిష్ట సినిమా?

టాలీవుడ్ నటసింహం నందమూరి బాలకృష్ణ ప్రస్తుతం తన NBK111 సినిమా షూటింగ్‌లో బిజీగా ఉన్నారు. యంగ్ డైరెక్టర్లకు అవకాశాలు ఇస్తున్న బాలయ్య, ఇప్పుడు మల్లిడి వశిష్టతో కలిసి కొత్త సినిమా చేయబోతున్నట్లు వార్తలు వస్తున్నాయి. ‘బింబిసారా’తో హిట్ అందుకున్న వశిష్ట, ప్రస్తుతం చిరంజీవితో ‘విశ్వంభర’ సినిమా చేస్తున్నారు.

ఇటీవల వశిష్ట బాలయ్యను కలిసి రెండు కథలు చెప్పినట్లు సమాచారం. ఒకటి మోక్షజ్ఞ ఎంట్రీ కోసం కాగా, మరొకటి బాలయ్యకు సరిపోయే పవర్‌ఫుల్ కథ. అందులో బాలయ్య తనకు నచ్చిన కథను ఎంచుకున్నట్లు తెలుస్తోంది. ఈ సినిమా వచ్చే ఏడాది మొదలయ్యే అవకాశం ఉంది. యంగ్ డైరెక్టర్లతో వరుసగా సినిమాలు చేస్తున్న బాలయ్య, వశిష్టతో చేసే ఈ కొత్త కాంబినేషన్ ఎలా ఉంటుందో చూడాలి.