మళ్లీ పరారైన భీముడు… బయటపడుతున్న పాత రహస్యాలు..?

ఆంధ్రప్రదేశ్‌లో అంతర్రాష్ట్ర నేరస్థుడు భీముడు అజిత్ కుమార్ గుంటూరులో నుంచి పరారైన ఘటన పెద్ద సంచలనంగా మారింది. గుండె నొప్పి ఉన్నట్లు నటించి ఆసుపత్రిలో చేరిన అతను, అక్కడి నుంచి ఎవరికి తెలియకుండా నిశ్శబ్దంగా తప్పించుకున్నాడు. ఈ ఘటనలో విధి నిర్వహణలో నిర్లక్ష్యం కారణంగా ముగ్గురు కానిస్టేబుళ్లను సస్పెండ్ చేశారు.

ఈ కేసులో మరిన్ని విషయాలు వెలుగులోకి వచ్చాయి. ఖైదీని ఆసుపత్రికి పంపడంలో సహకరించినందుకు రేపల్లె ఉప జైలు అధికారి కూడా సస్పెండ్ అయ్యారు. అజిత్ కుమార్ తన సోదరి ద్వారా ఆ అధికారికి అరవై వేల రూపాయలు పంపించినట్లు అధికారులు గుర్తించారు. ఈ ఘటనపై విచారణ కొనసాగుతుండగా కొత్త విషయాలు బయటపడుతున్నాయి.

ఇది అతనికి మొదటి పరారీ కాదు. 2018లో ఒంగోలు జైలు నుంచి కూడా అతను తప్పించుకున్నాడు. దీంతో జైళ్ల భద్రతపై మరోసారి ప్రశ్నలు తలెత్తుతున్నాయి.