రాష్ట్రంలో పారాక్వైట్ గడ్డిమందు అమ్మకాలపై నిషేధం

రాష్ట్రంలో పారాక్వాట్ గడ్డిమందు అమ్మకాలపై ప్రభుత్వం తాత్కాలిక నిషేధం విధించింది. ఈ మేరకు రాష్ట్ర ప్రభుత్వం అధికారిక ఉత్తర్వులు జారీ చేసింది. పారాక్వాట్ వినియోగంపై ఉన్న ఆందోళనలను దృష్టిలో ఉంచుకుని ఈ నిర్ణయం తీసుకున్నట్లు ప్రభుత్వం వెల్లడించింది.

ఈ అంశంపై ఇప్పటికే రాష్ట్ర ప్రభుత్వం అసెంబ్లీలో తీర్మానం ఆమోదించి, కేంద్ర ప్రభుత్వాన్ని కూడా నిషేధం విధించాలని కోరిన విషయం తెలిసిందే. తాజాగా తీసుకున్న నిర్ణయం ప్రకారం రాష్ట్రంలో పారాక్వాట్ అమ్మకాలు, నిల్వలు మరియు వినియోగంపై 60 రోజుల పాటు పూర్తి నిషేధం అమల్లో ఉండనుంది.

నిబంధనలను ఉల్లంఘించిన వారిపై కఠిన చర్యలు తీసుకుంటామని మంత్రి తుమ్మల స్పష్టం చేశారు. ప్రజల ఆరోగ్యం మరియు భద్రతను దృష్టిలో ఉంచుకుని ఈ చర్యలు చేపట్టినట్లు ఆయన తెలిపారు.