హీల్ ప్యారడైజ్ పాఠశాలలో ఇంటర్ ప్రవేశాలకు దరఖాస్తులు

ఏలూరు జిల్లా ఆగిరిపల్లి మండలం తోటపల్లిలోని 90 ఎకరాల విస్తీర్ణంలో ఉన్న హీల్ ప్యారడైజ్ పాఠశాలలో 11వ తరగతి (ఇంటర్మీడియట్) ప్రవేశాలకు దరఖాస్తులు ఆహ్వానిస్తున్నట్లు సీఈఓ కె. అజయ్ కుమార్ తెలిపారు. డాక్టర్ కోనేరు సత్యప్రసాద్ స్థాపించిన ఈ పాఠశాలలో నిరుపేద విద్యార్థులకు ఉచితంగా నాణ్యమైన విద్య, వసతి, భోజనం అందించబడుతుంది.

2026–27 విద్యా సంవత్సరానికి భౌతిక శాస్త్రం, జీవశాస్త్రం, ఆర్థిక శాస్త్రం గ్రూపుల్లో ప్రవేశాలు ఉంటాయి. ప్రవేశ పరీక్ష, ఇంటర్వ్యూలో ఉత్తీర్ణత తప్పనిసరి. ఆర్థికంగా వెనుకబడిన విద్యార్థులు అర్హులు కాగా, సెకండరీ స్కూల్ సర్టిఫికేట్ లో కనీసం 480 మార్కులు, CBSE/ICSEలో 400 పైగా మార్కులు ఉండాలి. తెల్ల రేషన్ కార్డు, ఆదాయ ధ్రువపత్రం అవసరం. మే 18లోపు QR కోడ్ లేదా https://tinyurl.com/Heal–Admission ద్వారా దరఖాస్తు చేసుకోవాలి. వివరాలకు https://healschool.org లేదా 9100024438 / 9100024435 నంబర్లను సంప్రదించవచ్చు.