తెలుగు సినీ పరిశ్రమ సమస్యల పై త్వరలో ఏపీ ప్రభుత్వం కీలక సమావేశం

రాష్ట్రంలో సినిమా టికెట్ ధరల పై స్పష్టత తీసుకురావాలనే లక్ష్యంతో సినిమాటోగ్రఫీ శాఖ ఆధ్వర్యంలో ఉన్నతాధికారుల సమావేశం నిర్వహించారు. ఈ సమావేశంలో ముఖ్యంగా ఆంధ్రప్రదేశ్‌లో షూటింగ్ నిర్వహించే చిత్రాలు, అలాగే భారీ బడ్జెట్ సినిమాల టికెట్ ధరల పై విస్తృతంగా చర్చించారు.

ప్రభుత్వ విధానాలు, ప్రజల పై భారం పడకుండా టికెట్ ధరల నియంత్రణ వంటి అంశాలు ఈ చర్చల్లో ప్రధానంగా నిలిచాయి. ఉన్నతాధికారులతో సమావేశం అనంతరం సినీ పరిశ్రమకు చెందిన ప్రముఖులతో ప్రత్యేకంగా చర్చలు నిర్వహించనున్నట్లు సమాచారం.

ఈ సమావేశాల తేదీలను త్వరలోనే ప్రకటిస్తామని మంత్రి కందుల దుర్గేష్ వెల్లడించారు. ప్రభుత్వం–సినీ పరిశ్రమ మధ్య సమన్వయంతో సరైన నిర్ణయాలు తీసుకుంటామని ఆయన స్పష్టం చేశారు.