మహారాష్ట్ర సీఎం ఫడ్నవీస్‌తో నారా లోకేష్ భేటీ

ఆంధ్రప్రదేశ్ విద్య, ఐటీ శాఖల మంత్రి నారా లోకేష్ సోమవారం ముంబైలో మహారాష్ట్ర ముఖ్యమంత్రి దేవేంద్ర ఫడ్నవీస్ తో భేటీ అయ్యారు. ఈ సమావేశంలో ఇరు రాష్ట్రాల మధ్య పెట్టుబడుల అవకాశాలు, విధానాల మార్పిడి, పరిపాలనా సహకారం వంటి అంశాలపై చర్చలు జరిగినట్లు సమాచారం.

ఈ సందర్భంగా ఏపీలో అమలవుతున్న ‘స్పీడ్ ఆఫ్ డూయింగ్ బిజినెస్’, విద్యా రంగ సంస్కరణలు, స్కిల్ డెవలప్‌మెంట్ విధానాల గురించి లోకేష్ వివరించారు. అలాగే మహారాష్ట్రలో అమలవుతున్న ఉత్తమ విధానాలను ఆయన తెలుసుకున్నారు. సమావేశంలో పరస్పర గౌరవ సూచకంగా బహుమతుల మార్పిడి జరిగింది.