ఆంథ్రోపిక్ కొత్త మోడల్‌తో టెక్ రంగంలో చర్చలు

కృత్రిమ మేధ రంగంలో ప్రముఖ సంస్థ ఆంథ్రోపిక్ తన కొత్త మోడల్ క్లాడ్ ఓపస్ 4.7ను విడుదల చేసింది. ఈ మోడల్ సంక్లిష్టమైన మరియు సుదీర్ఘ టాస్క్‌లను అధిక కచ్చితత్వంతో పూర్తి చేయగలదని సంస్థ తెలిపింది. వినియోగదారుల సూచనలను జాగ్రత్తగా అర్థం చేసుకుని పనిచేస్తుందని, అలాగే తాను ఇచ్చే అవుట్‌పుట్‌ను ధ్రువీకరించుకునే ఆప్షన్ కూడా అందిస్తుందని వెల్లడించింది.

ఇప్పటికే విడుదల చేసిన క్లాడ్ మిథోస్ ప్రివ్యూ కంటే తక్కువ సామర్థ్యం ఉన్నప్పటికీ, క్లాడ్ ఓపస్ 4.6తో పోలిస్తే మెరుగైన ఫలితాలు ఇస్తుందని ఆంథ్రోపిక్ పేర్కొంది. త్వరలోనే ఇది అన్ని యూజర్లకు అందుబాటులోకి రానుంది. ఈ మోడల్ డిజైనింగ్ పనులను స్వయంగా చేయగలదని ప్రచారం జరుగుతుండటంతో అడోబ్, ఫిగ్మా వంటి కంపెనీల షేర్లు మార్కెట్‌లో గణనీయంగా పడిపోయాయి.