కేవలం మూడు వారాల్లోనే ఓటీటీల్లోకి వచ్చేసిన "సుయోధన"మూవీ!

ఇటీవల తెలుగు సినిమా మార్కెట్ కొంత నెమ్మదిగా సాగుతోంది. కొన్ని సినిమాలు తప్ప ప్రేక్షకులను పెద్దగా ఆకట్టుకోలేకపోయాయి. ఈ పరిస్థితిలో ఒక తాజా థ్రిల్లర్ సినిమా కేవలం మూడు వారాల్లోనే థియేటర్ల నుంచి ఓటీటీ వేదికలకు వచ్చేయడం విశేషంగా మారింది.

ప్రియదర్శి హీరోగా మాధవ్ రెడ్డి దర్శకత్వంలో రూపొందిన సుయోధన సినిమా మార్చి 27 న థియేటర్లలో విడుదలైంది. అయితే ఈ సినిమా ఆశించిన స్థాయిలో విజయాన్ని అందుకోలేకపోయింది. దీంతో చిత్ర బృందం ఈ సినిమాను త్వరగా ఓటీటీలో విడుదల చేయాలని నిర్ణయించింది.

ఇప్పుడు ఈ సినిమా అమెజాన్ ప్రైమ్ వీడియోలో తెలుగు మరియు తమిళ భాషల్లో అందుబాటులో ఉంది. అదే సమయంలో జియో హాట్ స్టార్ వేదికలో ఐదు భాషల్లో విడుదలైంది. ఈ సినిమాలో దృషికా చందర్ హీరోయిన్ గా నటించగా బోసుబాబు నిడుమోలు నిర్మాణం వహించారు. థియేటర్లలో చూడలేకపోయిన వారు ఇప్పుడు ఇంటి వద్దే ఈ సినిమాను వీక్షించవచ్చు.